Рубикоммен жақсылық жасау оңай!
Әрбір оқушы барлық оқушылармен тең дәрежеде сапалы білім алуы тиіс, ол үшін оның қарындашы, дәптері, рюкзагы болуы керек. Өйткені жаңа күнделікті немесе сурет альбомын ынтамен таңдаудан артық не болуы мүмкін? Бірақ, өкінішке қарай, барлық ата-ана өз баласын мектепке дайындай алмайды.
«Рубиком» компаниясының демеушілік қолдауының арқасында балалардың арманы орындалып жатыр. Акция аясында кәсіпорынның көмегі аз қамтылған отбасылардың балаларын, жетім балаларды, сондай-ақ ата-анасының қамқорлығынсыз қалған балаларды қамтыды.
— Балаларға көмектесуге дайын, жанашыр адамдардың қоршауында жүргеніміз өте жағымды. «Рубиком» бізге көмек ұсынғандардың алғашқыларының бірі болды, оқушыларымызға мектеп жиынтықтарын әкелді. Балаларға кеңсе тауарлары қатты ұнады, олар пакеттерді қызыға ашып, бір-бірімен әсерлерімен бөлісті. Олардың жаңа оқу құралдарына қуанғанын көру жағымды болды. Ата-аналар педагогикалық ұжыммен бірге компания басшылығына уақтылы көрсетілген көмегі және «Мектепке жол» республикалық акциясына белсенді қатысқаны үшін алғыс айтады, — дейді Павлодардағы №23 мектептің әлеуметтік педагогы Гаухар Картбаева.
Компанияға қоңырау және хабарлама түрінде алғыс сөздері үнемі келіп түсуде. Мектеп педагогтары мен ата-аналар балалары мен оқушылары үшін қуанышты, өйткені енді мұқтаж оқушылардың барлығы кеңсе құралдарымен қамтамасыз етілді.
— Біз алты жылдан бері «Рубиком» компаниясымен ынтымақтасып келеміз. Олар жыл сайын Қарттар күніне азық-түлік көмегін көрсетеді, Жаңа жылда балаларға сыйлық сыйлайды, ауылдастарымыздың өміріне белсенді қатысып, бізге үнемі қолдау көрсетеді. Бұл үшін оларға шын жүректен алғысымыз шексіз. Биыл да балаларды мектепке дайындауға көмектесіп, оқу құралдарын, рюкзактар мен кеңсе тауарларын сатып алып берді. Бұл арзан емес қой, мектепке қажеттінің бәрін толық көлемде сатып алуға бәрінің бірдей мүмкіндігі жете бермейді. Әрбір балаға мектепке баратын жолы ең жақсы әрі бақытты болуы үшін назар мен шынайы қамқорлық қажет. Сондықтан дүниеде жақсы адамдардың барын сезіну жағымды, фирма басшылығына рахмет, — деп бөлісті бізбен Воскресенск ауылдық округінің әкімі Оксана Жаркина.
«Рубиком» сияқты кәсіпорындардың арқасында адамдардың бойында жақсылыққа, балаларының жарқын өміріне деген сенім сөнбейді, ал мұндай көмекпен қиын сәттерді еңсеру жеңілдей түседі.
