Барлығы «Көңілді старттарға»
Құрама жем зауыты, «МолКОМ-Павлодар» ЖШС, компанияның орталық кеңсесі, мал шаруашылығы кешені, сондай-ақ сату бөлімі қызметкерлерінің отбасылары іс-шараға қатысты. «Көңілді старттар» он кезеңнен тұрды. Сайыс басында қатысушылар он екі адамнан екі командаға бөлінді. Кейін өзара «Комета» және «Көңілді торайлар» командалары жарысты.
Старттарда әркім өз мергендігі мен ептілігін көрсете алды. Қатысушылар тапсырмаларды ынтамен орындап, ауызбіршілік пен жеңіске деген ұмтылысты, әрекеттердің үйлесімділігі мен бір-бірін сезіне білуді көрсетті. Алып дженга, сақина лақтыру, да Винчи көпірі, «шаршы» жұмбағы, сумошылар костюмдеріндегі күрес – бұл компания қызметкерлері отбасыларымен бірге өткен сынақтардың барлығы емес. Командалар іс-шара барысында жарыстың түрлі түрлерінде шеберліктерін көрсетті. Көпшілік жақсы көретін арқан тартусыз да болмады. Тек бұл жолы арқан сосискалардың ең үлкен гирляндасы түрінде болды. Мұнда балалар мен ересектер командалары бөлек күш сынасуға шақырылды.
Қорытынды кезең алып секіргіш болды. Тапсырмаларды орындау кезінде «Көңілді старттардың» қатысушылары төзімділік, тапқырлық, шешім қабылдау жылдамдығы мен аздаған қулықты көрсетті. Бұл отбасылық мерекеде жеңілгендер болған жоқ. Әрбір қатысушы өзінің лайықты жеңісіне жетті, ең бастысы – отбасылардың бірге көңілді, шын жүректен, спорттық рухта уақыт өткізіп, сергектік қуаты мен мол жағымды әсер алуына тамаша мүмкіндік болды.
– Бүкіл отбасымның атынан осындай тамаша спорттық іс-шара үшін ұйымдастырушыларға алғыс айтамын. «Көңілді старттарға» қатысып, сүйікті кәсіпорнымыздың туған күнін осылай атап өте алғанымызға өте қуаныштымыз. Балалар қатты қуанды. Байқаулар мен сайыстар өте қызықты, көңілді әрі тартымды болды. Барлығының қалай ұйымдастырылғаны және бірде-бір қатысушының сыйлықсыз қалмағаны бізге қатты ұнады. Біз көптеген жағымды әсер алдық, сіздерге үлкен рахмет, – деп әсерімен бөлісті компания қызметкері Наталья Тимко.
Барлық жарыстың қорытындысы бойынша бірінші орынды «Көңілді торайлар» командасы жеңіп алды, «күміс» «Кометаға» бұйырды. «Рубиком» компаниясынан іс-шараға қатысқан әрбір бала тәтті сыйлық алды. «Рубиком» компаниясының жиырма сегізінші туған күні осындай тату әрі отбасылық ахуалда өтті, бұл кәсіпорын қызметкерлері үшін айрықша символдық мәнге ие болды. Компания көп жылдар бойы отбасыларды дастарханға жинап, дәмі мен сапасымен баршаны қуантатын шұжық өнімдерін, ет деликатестері мен жартылай фабрикаттарды шығарып келеді.